06.06.2016, Drenas- Sot zëvendësministri Ferat Shala me bashkëpunëtorë si dhe në shoqëri të Kryetarit të Komunës së Drenasit z.Nexhat Demaku si dhe Deputetit të zonës z.Bislim Zogaj, vizituan punimet e projektit “Rregullimi I shtratit të Lumit Drenica, Faza e 2-të”.

Me këtë rast u konstatua se në kuadër të procesit të implementimit të projektit deri më tani janë realizuar 65 % të punimeve sipas kontratës. Gjatësia e shtratit të lumit që është planifikuar të rregullohet në këtë fazë është rreth 6 km duke përfshirë lumenjtë Verbovc dhe Drenica. MMPH së shpejti do të filloj me procedurat e prokurimit për vazhdimin e realizimit të fazës së 3-të të këtij projekti.