Kjo konferencë u organizua nga Zyra e Bashkimit Evropian në Kosovë në bashkëpunim me Agjencinë Kadastrale të Kosovës. Qëllimi i kësaj konference, ishte njohja me Sistemin e ri të Informimit, Regjistri i Adresave dhe Gjeo-Portali

Në këtë konferencë u shënua fillimi i pilot projekteve për instalimin e tabelave të rrugëve në dy komuna, asaj të Fushë Kosovës dhe të Deçanit, të financuara nga BE. Me këtë rast u theksua se përfituesi kryesor i Sistemit të Informimit të Regjistrit të Adresave janë qytetarët, Ministria e Mjedisit dhe Planifikimit Hapësinor përkatësisht Agjencia Kadastrale e Kosovës, komunat dhe institucionet tjera si, Posta, Policia, Gjykatat etj. Agjencia Kadastrale e Kosovës do të jetë përgjegjëse për mirëmbajtjen e sistemit, përderisa mirëmbajtja e të dhënave të adresave do të jetë përgjegjësi e komunave.