Zëvendësministëri i Ministrisë së Mjedisit dhe Planifikimit Hapësinor, Ferat Shala, së bashku me Shefin e Kabinetit Ali Ismajlin, pritën në një takim menaxhmentin e Kompanisë “RE ALLOYS” nga Polonia, Aleksandra Cholewa, drejtoreshë për zhvillim dhe investim dhe Miroslaw Wilczek, drejtor komercial.

Kompania e tyre ka aplikuar për fonde në programin “Horizonti 2020” të Bashkimit Evropian. Këto fonde të cilat ata do t’i marrin si kompani janë të interesuar t’i sjellin në Kosovë, për të kryer disa hulumtime gjeologjike sidomos në zonat ku ka burime minerale si dhe në zonat me mbetje industriale. Si kompani kërkuan më shumë informacione për Legjislacionin dhe Proceduat e marrjes së licencës dhe mundësis për të kryer këto hulumtime në Kosovë. Zëvendësministëri, Shala i njoftoi më shumë për legjislacionin dhe procedurat të cilat janë të nevojshme. Poashtu Zëvendësministëri shprehi gadishmërin për t’i përkrahur dhe ndihmuar.