Nga aktivitetet parazgjedhore të datës 31.01.2021

Kënaqësi e veçantë ta takosh rininë e Zllakuqanit. Takimi me këta të rinj, qysh sot, të jep ndjesinë e fitores së sigurt. Mikpritja e përzemërt si kjo e sotmja në Zllakuqan, më jep motiv për të vazhduar më tej, drejt objektivit final: rrumbullakësimit të shetësisë së Kosovës. Edhe në Zllakuqan u bindëm se qytetarët po besojnë fuqishëm se PDK-ja është garancia e vazhdimësisë së shtetndërtimit.

Edhe Dobrashevci i rreshtuar qind për qind me Partinë Demokratike të Kosovës. Ky mobilizim kaq i madh i anëtarësisë dhe strukturave të PDK-së, sot e ka frymën dhe hovin e dy liderëve të Kosovës: Hashim Thaqit dhe Kadri Veselit. Oferta qeverisëse #Rimëkëmbje sot është përgjigjja më e mirë për të gjitha padrejtësitë që po i bëhet luftës sonë dhe udhëhqësve tanë.

 Gradica dhe Godanci gjithmonë kanë ecur me Partinë Demokratike të Kosovës. Qytetaria aktive e këtyre dy vendbanimeve të Drenicës, është shembull se si realizohet vullneti dhe angazhimi demokratik-qytetar. Edhe në Gradicë e Godanc besojnë në planin për rimëkëmbjen e përgjithshme të vendit tonë. Në Gradicë dhe Godanc besojnë fuqishëm se kur PDK-ja është e fortë atëherë edhe Kosova ëshhë e fortë

 Drenica, ashtu sikurse krejt Kosova, po e mbështesin fuqishëm ofertën qeverisëse të kandidatit për kryeministër nga Partia Demokratike e Kosovës, z. Enver Hoxhaj. I dëshmuar për zotësi, guxim dhe lidership, z. Hoxhaj sot është lideri më i pranueshëm për qytetarët e Kosovës. Ai edhe sonte gjeti përkrahje të fuqishme në Nekoc dhe Arllati, për programin Rimëkëmbje dhe për vizionin e PDK-së për Kosovën e së nesërmes.