Si rezultat vizitës iniciohen mundësi të realizimit të projekteve konkrete në mes Universitetit të Prishtinës dhe Universitetit Gazi përmes mbështetjen nga Agjencia Turke për Bashkëpunim dhe Koordinim-TIKA

13.02.2018- Delegacion i Universitetit të Prishtinës, në përbërje Prof.Dr. Ahmet Shala, Dekan i Fakultetit të Inxhinierisë Mekanike, Prof.As.Dr. Ferat Shala, nga FIM dhe Esat Kelmendi, sekretar i UP-së, në ditën e dytë të vizitës zyrtare në Ankara të Turqisë, ka vazhduar agjendën me takime me rektorin e Universitetit Gazi, Prof.Dr. Ibrahim Uslan, dhe me dekanin e Fakultetit të Teknologjisë, Prof. Dr. Adnan Sozen. Në përmbyllje të agjendës, delegacioni i UP-së, ka vizituar edhe Parlamentin Turk, ku është pritur nga përfaqësuesi i Partisë “Tokat Milletvekili”, Zeyid Aslan.

Në të dy takimet delegacioni i UP-së, ka shprehur kërkesa dhe gatishmëri për të thelluar bashkëpunimit ekonomik, shkencor dhe arsimor me partnerët turq, dhe janë diskutuar mundësitë e realizimit të projekteve konkrete përmes mbështetjen nga Agjencia Turke për Bashkëpunim dhe Koordinim-TIKA dhe nga Universitetit Gazi.