Me ketë rast z. Shala, i uruar Ministres së re të MMPH, znj.Reshitaj suksese në përmbushjen e detyrave, objektivave dhe synimeve gjatë mandatit të saj.

11.09.2017- Ministri i deritanishëm i MMPH-së, Ferat Shala nga radhët e PDK-së, i ka dorëzuar mandatin e ministrit tw MMPH, znj. Albena Reshitaj nga AKR. Me ketë rast z. Shala, i uruar Ministres së re të MMPH, suksese në përmbushjen e detyrave, objektivave dhe synimeve gjatë mandatit të saj. Përmes një postimi në facebook ai ka shpreh falënderim për të gjithë bashkëpunëtorët e tij, stafin e kabinetit, menaxhmentin e lartë dhe gjithë administratën e MMPH-së, për angazhimin e pa rezervë, profesionalizmin dhe efikasitetin e treguar në punë, gjatë mandatit të tij.

Një falënderim të veçantë ai i ka dedikuar edhe të gjithë donatorëve për mbështetjen e projekteve në sektorin e mjedisit. “Një falënderim të veçantë i dedikojë të gjithë donatorëve dhe në mënyrë specifike GIZ dhe Qeverisë Gjermane, SIDA dhe Qeverisë Suedeze, JICA dhe Qeverisë Japoneze, USAID dhe Qeverisë Amerikane, Qeverisë Zvicerane, Qeverisë Franceze, Qeverisë Hungareze, Qeverisë Holandeze etj., për mbështetjen e projekteve në sektorin e mjedisit”, ka thënë Shala.