Me këtë rast ai ka pranuar punimin e tij të doktoraturës “Pasojat afatgjata të ekspozimit ndaj plumbit mjedisor në Kosovë- Efektet e ekspozimit para dhe paslindjes ndaj plumbit në moshën e rritur të hershme”.

05.09.2017- Ministri i Mjedisit dhe Planifikimit Hapësinorë ka pritur sot në takim z. Pashko R. Camaj, me që rast ka pranuar punimin e tij të doktoraturës “Pasojat afatgjata të ekspozimit ndaj plumbit mjedisor në Kosovë- Efektet e ekspozimit para dhe paslindjes ndaj plumbit në moshën e rritur të hershme” , me të cilin studim ai ka fituar titullin Doktor i Shëndetit Publik në Universitetin e Kolumbias.

Shala ka vlerësuar se rezultatet e këtij hulumtimi që flasin për nivelin e koncentrimit të plumbit në gjak në popullatën e Prishtinës dhe Mitrovicës, janë shumë të rëndësishme për të vlerësuar gjendjen e shëndetit publik dhe mjedisor në Kosovë, dhe për të ndërmarrë masat e nevojshme për përmirësimin e kësaj gjendje përmes projekteve, programeve dhe aktiviteteve tjera relevante.