50 mijë euro për rregullimin e kanalizimit për qytetin e Mitrovicës

16.05.2017- Ministri i Mjedisit z. Ferat Shala dhe kryetari i Komunës së Mitrovicës z. Agim Bahtiri, nënshkruan Memorandumin e Mirëkuptimit për projektin: “Rregullimi i Kanalizimit në Mitrovicë”, i cili kap vlerën 50 mijë €. Me realizimin e këtij projekti të përkrahur nga Ministria e Mjedisit ,banorët e Mitrovicës përfitojnë në ngritjen e cilësisë dhe mirëqenies së përditshmërisë së tyre. Gjatë nënshkrimit të memorandumit z. Bahtiri, falënderoi ministrin z. Shala për përkrahjen e dhënë në rregullimin e infrastrukturës për trajtimin e ujërave të zeza. Me nënshkrimin e këtij memorandumi nisë realizimi i menjëhershëm i projektit.