Projektet kanë për qëllim rregullimin e infrastrukturës mjedisore në Komunën e Skenderajt dhe përmirësimin e jetës së qytetarëve të kësaj komune.

011.04.2017- Në kuadër të aktiviteteve të MMPH-së, për mbështetjen e projekteve mjedisore nëpër komunat e Kosovës, Ministri i MMPH-së, Ferat Shala sot ka pritur në takim nënkryetarin e komunës së Skenderajt z. Fadil Nura, me të cilin ka nënshkruar memorandumin për përkrahje të tri projekteve: Rregullimi i kanalizimit në qytetin e Skenderajt në vlera 10 mijë euro, rregullimi i kanalizimit për fshatrat Prekaz-Mikushnicë në vlerë 500 mijë euro dhe vazhdimi i rregullimit të kanalizimit në fshatin Runik në vlera 200 mijë euro.