Temë kryesore e takimit ishte implementimi i projektit të Ujërave të zeza që derdhen në Liqenin e Batllavës, projekt ky i mbështetur nga Qeveria Hungareze.

03.04.2017- Ministri i Mjedisit dhe Planifikimit Hapësinorë, Ferat Shala priti së bashku me ambasadoren e Kosovës në Hungari znj.Luljeta Vuniqi, pritën sot në takim Sekretarin e shtetit hungarez për Diplomaci Ekonomike, Levente Magyar, i shoqëruar nga ambasadori hungarez në Kosovë, Laszlo Markusz. Ministri z. Shala, në emër të Ministrisë së Mjedisit dhe Planifikimit Hapësinor falënderoi delegacionin e kryesuar nga Sekretarin e Shtetit Hungarez për Diplomacinë Ekonomike z. Levente Magyar, për përkrahjen e deri tanishme dhënë nga shteti Hungarez, po ashtu z. Shala e njoftoi me prioritetet dhe me reformat e brendshme që po bahen në këtë ministri, veçanërisht në sektorin e ujërave përfshirë Legjislacionin dhe Strategjinë e ujërave. Takimi kishte fokus vazhdimin e bashkëpunimit me projektet mbështetëse të Qeverisë Hungareze akorduar në fushat që mbulon kjo ministri e me theks të veçantë në sektorin e ujërave.

Palët u pajtuan që të fillohet me implementimin e Projektit të Ujërave të zeza të cilat derdhen në Liqenin e Batllavës.

Në ndërkohë ministri Shala dhe delegacioni Hungarez u pajtuan në vazhdimin e bashkëpunimit dhe implementimin e projekteve të përbashkëta ashtu si deri më tani.