Projekte këto të cilat kanë të bëjnë me kanalizim dhe ujësjellës me interes për banorët e kësaj komune

31.03.2017- Ministri i Mjedisit dhe Planifikimit Hapësinor, z. Ferat Shala priti sot në takim, Kryetarin e Komunës së Kamenicës z. Begzad Sinani, me të cilin nënshkruan Memorandumin për përkrahje nga MMPH-ja për tri projekte me interes për banorët e komunës së Kamenicës, projekte këto të cilat kanë të bëjnë me kanalizim dhe ujësjellës: Rregullimi i Kanalizimit në Kamenicë në vlerë prej 10,000,00 Euro, Ujësjellësi Koretin, në vlerë 43,000,00 Euro dhe Ujësjellësi Kopernicë – Kolloleq - Shipashnicë, në vlerë 83,000,00 Euro Ministri z. Ferat Shala e inkurajoi kryetarin z. Sinani, që pas nënshkrimit të këtij Memorandumi le të fillohet menjëherë me procedurat e parapara me Ligj për realizimin sa më të suksesshëm të këtyre projekteve kapitale për Komunën e Kamenicës.