Ministrja  kroate e Zhvillimit Rajonale dhe Fondeve të BE-së, i dëshirojë mirëseardhje delegacionit nga Kosova dhe shprehu gatishmërinë e bashkëpunimit dhe ofrimit të përvojave kroate në proceset e integrimeve evropiane dhe përfitimit dhe menaxhimit të fondeve të BE-së, duke shtuar se Kroacia ka kaluar këtë rrugë dhe mundë të ofrojë shumë nga përvojën e saj për Kosovën.  

Gjatë diskutimit janë përmendur dhe identifikuar disa nga pikënisjet e bashkëpunimit sikurse janë: bashkëpunimi në hartimin dhe menaxhimin e projekteve nga BE, përvoja nga përfitimi i fondeve nga programet e BE-së, sikurse janë IPA dhe Binjakëzimi, si dhe shkëmbimi i ekspertëve dhe organizimin i vizitave studimore përmes instrumentit të TAIEX.

Po ashtu është  folur edhe për mundësinë e shkëmbimit të përvojën edhe në implementimin e Direktivave të BE-së në sektorin e mjedisit, bashkëpunimit me mekanizmat e BE-së për sektorin e mjedisit dhe pjesëmarrja në iniciativat regjionale të mbështetura nga fondet e BE-së.

Të dy ministrat u dakorduan që ky bashkëpunim të vazhdohet përmes grupeve të ekspertëve dhe përmes propozimeve  që do të konkretizoheshin ne aktivitete praktike.