Shala priti në takim Kryetarin e Komunës së Pejës Muhaxheri

28.02.2017-Ministri i Mjedisit dhe Planifikimit Hapësinor, Z. Ferat Shala, priti Kryetarin e Komunës së Pejës z. Gazmend Muhaxherin me bashkëpunëtorë. Në takim u bisedua për format e bashkëpunimit në mes MMPH-së dhe Komunës së Pejës për projektet e realizuara deri me tani dhe projektet në realizim e sipër po ashtu u bisedua edhe për Hartat zonale dhe çështjet që lidhen me Sektorin e mjedisit, në ndërkohë u harmonizuan edhe afatet kohore për veprime konkrete. Të dyja palët, reciprokisht u falënderuan për mirëkuptimin dhe bashkëpunimin si dhe u dakorduan që bashkëpunimi në nivel Qendror dhe Lokal vetëm sa e rrit transparencën dhe mundësinë e thithjes së donacioneve nga donatorët.