Ministri Shala, priti në takim përfaqësueset e UN-HABITAT-it për Kosovë

Ministri i falënderoi për bashkëpunim të suksesshëm në projektet e zhvilluara së bashku me MMPH-në në pjesën veriore të Kosovës, si dhe për promovimin e qeverisjes së mirë, sigurinë e pronës, zhvillimin e qëndrueshëm të vendbanimeve dhe planifikimit hapësinor gjithëpërfshirës.

Ministri Shala i njoftoi përfaqësueset e UN-HABITAT-it për nënshkrimin dhe procedimin për Qeveri të draftit përfundimtar të  projektligjit për banim social. Ndërsa shprehi gatishmërinë e MMPH-së për thellimin dhe vazhdimin e mëtutjeshëm të bashkëpunimit të ndërsjellë, si dhe inkurajimin dhe fuqizimin e kapaciteteve komunale planifikuese për të zhvilluar dhe rregulluar qytetet, në mënyrë gjithëpërfshirëse dhe transparente si dhe angazhimin e shoqërisë civile në proceset e planifikimit.