Kosova ka shënuar progres në hartimin dhe zbatimin e legjislacionit në fushën e efiçencës së energjisë
Ky konstatim doli nga takimi i Ministrit të MMPH, Ferat Shala me delegacionin e ekspertëve të BERZH-it dhe Sekretariatit të Komitetit të Energjisë Efiçiente
25.01.2017- Sot, Ministri i Ministrisë së Mjedisit dhe Planifikimit Hapësinor, z. Ferat Shala priti një delegacion, të nivelit të ekspertëve të BERZH-it dhe Sekretariatit të Komitetit të Energjisë Efiçiente, në nivel regjional, të përbërë nga: Nigel Jollands, drejtor i asocuar për Energji Efiçiente dhe Ndryshime Klimatike në BERZH; Violeta Kogalniceanu, udhëheqës për Efiçiencë të Energjisë, Sekretariati i Komitetit të Energjisë në Vjenë; Nick Haralambopoulos, ekspert konsultant; Paul Davidson, ekspert i energjisë efiçiente; Avni Sfishta, konsultant për energji efiçiente dhe dy ekspert të BERZH-it për energji efiçiente.
Ministri Shala falënderoi mysafirët për përkrahjen që po i bëhet MMPH, në fushën e efiçiencës së energjisë në nivel regjional, e cila po financohet nga BE-ja dhe BERZH-i.
Grupet teknike të MMPH dhe Sekretariati i Komitetit për Energji Efiçiente po bashkërendisin aktivitetet, sikurse që MMPH po e shoqëron me ligj dhe rregullore këtë fushë. Programi po mbështetet nga BE-ja dhe BERZH-i me mjete financiare, kurse MMPH po bënë reforma në fushën e ndërtimit dhe banimit, përmes akteve normative.
Mysafirët apostrofuan edhe Direktivën Evropiane të vitit 2015 për Energji Efiçiente, që e obligon edhe Kosovën.
Të dyja palët u dakorduan për ta intensifikuar bashkëpunimin dhe implementimin e legjislacionit në ndërtim si dhe dispozitat e Direktivës Evropiane në këtë fushë. Ndërkaq, grupet teknike vazhdojnë punën e përbashkët.
Qeveritë janë për të gjetur zgjidhje, jo për të krijuar konflikte!
Shkrim autorial nga Dr.sc. Ferat Shala, Deputet i Kuvendit të Kosovës, lidhur me gjendjen në arsim...Lexo më shumë...
Qeveria e emergjencave dhe kriza energjetike!
Shkrim autorial nga Dr.sc. Ferat Shala, Udhëheqës i Komisionit për Ekonomi, Industri, Ndërmarrësi dhe Tregti të Kuvendit të Kosovë....Lexo më shumë...
Disa rekomandime për lehtësimin e krizës energjetike në Kosovë
Shkrim autorial nga Dr.sc. Ferat Shala, Udhëheqës i Komisionit për Ekonomi, Industri, Ndërmarrësi dhe Tregti të Kuvendit të Kosovë....Lexo më shumë...
