U.d. ministri Shala u dëshiroi mirëseardhje dhe shprehu falënderim për Qeverinë e Hungarisë për mbështetjen që po i jep Republikës së Kosovës dhe Ministrisë së Mjedisit dhe Planifikimit Hapsinor.

Ai në vazhdim , ai theksoi se gjatë vizitës sime në Hungari, u dakorduam që të këmbejmë përvojat hungareze në fushën e mjedisit.

Ministri i Punëve të Jashtme të Hungarisë, Z.  László Márkusz, theksoi se, tashmë me Kosovën kemi nënshkruar 2 marrëveshje: për akordimin e 50 bursave për studentët kosovarë dhe kredia prej 62 milionë eurove për menaxhimin e ujërave. Ai shpalosi edhe projekte të tjera që do të bëhen në Kosovë.  Poashtu, ai theksoi se një kompani hungareze është duke implementuar projekte të trajtimit të ujërave të zeza nëpër Evropë, e cila kompani mund të angazhohet edhe në Kosovë.

U.d Ministri Shala i falënderoi bashkëbiseduesit e delegacionit hungarez, për mbështetjen, duke besuar se disa nga bursat do të ndahen për studentë të fushës së mjedisit. Ai, po ashtu i njoftoi mysafirët edhe për projekte të tjera të MMPH.

Ishte konstatim i përbashkët i takimit se pas ratifikimit në Kuvendin e Kosovës, projekti të lëvizë menjëherë dhe se mundësitë janë edhe për kompanitë hungareze që po operojnë nëpër Evropë, për t’u angazhuar.

Takimi përfundoi me vullnetin reciprok për të vazhduar bashkëpunimin e suksesshëm të filluar.