Gjatë takimit Shala vuri në pah potencialin që ka Kosova me resurse natyrore dhe njerëzore, dhe mundësitë për investime.

29.11.2016- Në kuadër të takimeve të tij zyrtare në Budapest, sot u.d. ministri i MMPH-së, Ferat Shala, sot vizitoi Ministrinë e Bujqësisë, të Hungarisë ku u takua me z. Zsolt v. Nemeth, Sekretar shtetërorë për çështje të mjedisit. Sekretari Zsolt v. Nemeth, i uroj mirëseardhje delegacionit te Kosovës në përbërjen e të cilit përveç z. Shala ishte edhe Ambasadorja e Republikës se Kosovës në Hungari, znj. Luljeta Vuniqi. Më tutje ai shpjegoi për sektorët që i mbulon kjo ministri, përfshirë, ujërat, ajrin, mbeturinat, zonat e mbrojtura dhe zhvillimin rural, duke përmendur edhe sfidat nëpër të cilat ka kalua shteti hungarez për menaxhimin e aspekteve mjedisore. Ai po ashtu premtoj mbështetje për Kosovën në këto fusha mjedisore.

IMG_6475.JPG

Shiko më shumë

IMG_6478.JPG

Shiko më shumë

IMG_6492.JPG

Shiko më shumë

U.d. ministri Shala, mirëpriti gatishmërinë e palës hungareze për bashkëpunim, dhe foli për aktivitetet aktuale, progresin, sfidat dhe nevojat për mbështetje. Ai sqaroi po ashtu se MMPH tani më ka nënshkruar një marrëveshje financiare me Qeverinë e Hungarisë për investime në projekte në sektorin e mjedisit dhe të ujërave.

Shala, përmendi edhe potencialin që ka Kosova me resurse natyrore dhe njerëzore, dhe mundësitë për investime.

Të dy palët u dakorduan që të formohen grupe të përbashkëta teknike, për të zhvilluar një plan të detajuar të bashkëpunimit.