Ndër mundësitë reale të mbështetjes u potencua ngritja e kapaciteteve për zyrtarët dhe studentët kosovarë përmes kurseve të ndryshme për trajtimin e ujërave në kuadër të programit që mundësohet nga Budapest Waterworks.

29.11.2016- Në kuadër të vizitës së tij zyrtare në Budapest, sot u.d. ministri i MMPH-së, Ferat Shala, në shoqërinë e ambasadores së Republikës se Kosovës në Hungari, znj. Luljeta Vuniqi, sot takoi z. Csaba Haranghy, Kryeshef i Budapest Waterworks, Kompania publike për menaxhimin e furnizimit me ujë dhe menaxhimin e ujërave të zeza për Budapestin. Në takim u bisedua kryesisht për mundësitë e bashkëpunimit dhe përfitimin e përvojave bilaterale në mes të kësaj kompanie publike me kompanitë publike dhe institucionet relevante nga Kosova.

Ndër mundësitë reale të bashkëpunimit u potencua ngritja e kapaciteteve për zyrtarët dhe studentët kosovarë përmes kurseve të ndryshme për trajtimin e ujërave në kuadër të programit që mundësohet nga Budapest Waterworks.

Po ashtu u vlerësua se Budapest Waterworks, mundë të ndihmojë Kompanitë e Kosovës, në hartimin e planeve dhe masave për zvogëlimin  e humbjeve teknike dhe komerciale të ujit si dhe për zhvillimin  e planeve strategjike për zbatimin e teknologjisë informative në procesin e menaxhimit të furnizimit me ujë.