MMPH, pjesë e Strategjisë së Bankës Botërore për mbështetje në Kosovë

Takimi kishte karakter konsultativ për gjetjen e mundësive të vazhdimit të përkrahjes kontinuale të MMPH në fushat më prioritare , që do të formësohen në Strategjinë e Bankës Botërore deri në muajin korrik.

u.d. Ministri Ferat Shala ofroi tërë mbështetjen e nevojshme nga MMPH për të absorbuar gjithë mbështetjen e ofruar, e cila do të kthehet si ofrim i shërbimeve më cilësore qytetarëve, pronarëve të pronave, bizneseve dhe investitorëve.

U konstatua se MMPH akoma ka nevojë për mbështetje, qoftë si donacion, zhvillim i kapaciteteve të resurseve humane apo kredi e butë.

Z. Marko Mantovanelli theksoi se Kadastri dhe të drejtat pronësore, pa mëdyshje se do të jenë edhe më tej target yni i mbështetjes, sepse kjo infrastrukturë është edhe kusht i anëtarësimit në BE.

Ishte konstatim i përbashkët se Agjencioni Kadastral ka shënuar progres, kështu që të dhënat e këtij Agjencioni sot për nga kualiteti rangohen në vendin e 33-të në rang-listën botërore, duke qenë lidere në rajon.

Dyanshëm u shpreh gatishmëri e vazhdimit të bashkëpunimit, kurse përfaqësuesit e Bankës Botërore premtuan  se disa nga projektet e MMPH do të jenë pjesë e strategjisë së Bankës Botërore.