Me theks të veçantë u diskutua për procesin e hapjes së mihjeve të reja në fshatin Sibofc si dhe sfidat përcjellëse që mund të dalin nga ky projekt

02.09.2016- Në frymën e bashkëpunimit dhe koordinimit të aktiviteteve në zgjidhjen e problemeve mjedisore nëpër komunat e Kosovës ushtruesi i detyrës së Ministrit të Ministrisë së Mjedisit dhe Planifikimit Hapësinor z. Ferat Shala priti sot në takim Kryetarin e Komunës së Obliqit z. Xhafer Gashi. Në takim u diskutua për problemet mjedisore që ka komuna e Obiliqit, me theks të veçantë për procesin e hapjes së mihjeve të reja në ketë komunë si dhe sfidat përcjellëse që mund të dalin nga ky projekt. Bashkëpunimi dhe koordinimi institucional për të zgjidhur problemet dhe sfidat mjedisore që ka Obliqi do të vazhdojnë edhe në të ardhmen.