Ushtruesi i detyrës së Ministrit të Mjedisit dhe Planifikimit Hapësinor, Ferat Shala, ka pritur sot një delegacion të Hungarisë në përbërje me ekspertë nga Qeveria e Hungarisë, Balint Tomborin, Adam Szucin dhe ambasadorin e Hungarisë në Kosovë, Laszlo Markuszin.

02.08.2016- Bashkëbiseduesit në këtë takim kanë folur për një varg çështjesh të interesit të përbashkët, për bashkëpunimin konkret mes Qeverisë së Kosovës dhe asaj të Hungarisë në funksion të formave dhe mundësive të bashkëpunimit në fushat e ujërave. Po ashtu në këtë takim u bisedua edhe për zgjidhjen e problemit me ujërat e zeza në Batllavë si dhe vetë qytetin e Besianës, rregullimin e shtretërve të lumenjve Drini i Bardh, Sitnica, Morava e Binqës si dhe intervenimi në pendën e Përlepnicës.